Кыдзи вӧдитчыны


1. Меню йылысь

«Коми медиатека» восьтігӧн сюрам сайтса подув лист бокӧ, кысянь позьӧ шӧр меню пыр вуджны сайтса мукӧд юкӧнъясӧ:

 

Сайтса мукӧд лист бокъясын менюсӧ пуктӧма выліас:

 

Мобильнӧй версияын менюсӧ саймовтӧма да пуктӧма веськыдладорас выліас:

 

2. Кыдзи корсьны колантор

Медым корсьны медиафайлъяс пытшкысь торъякыв либӧ кывлысь юкӧн, колӧ пырны «Корсьны» юкӧнӧ.

Подув лист бокын сійӧ тані:

Сайтса мукӧд лист бокъясын тані:

Петӧм формаас бӧръям коми, роч либӧ англичан кыв, индам корсянтор да личкыштам шыпаспӧвса «Enter» клавиша либӧ  экранвывса «Корсьны» кнопка.

Воссяс таблича став гижӧдӧн, кытысь сюрӧма корсянторйыс:

Медым стӧчмӧдны корсянтор содтӧд параметръяс серти, эм торъя опция:

Содтӧд параметръяс серти корсигӧн позьӧ стӧчмӧдны текстсьыс тема да  интервьюерлысь оланін

Восьтӧм гижӧдын корсянторйыс рӧммӧдӧма, татысь позьӧ вешйыны и орчча сегментъясӧ.

3. Кыдзи уджавны медиафайлӧн

Быд медиафайл тэчӧма татшӧм элементъясысь:

  1. Карта. Сэтчӧ пасйӧма, кӧні олӧ информантыс.

  • 2. Мультимедиа ӧшинь (1) да лыддяна ӧшинь (2),  кыкнанныс веськӧдлан элементъясӧн

1. Мультимедиа ӧшинь. Видео-аудио лэдзӧм могысь личкам ӧшинь шӧрас, а дугӧдӧм могысь – мӧдысь личкам ӧшинь шӧрас.

Улыс юкӧнас тыдалӧны веськӧдлан элементъяс:

Шуйгавывсянь веськыдвылӧ: мый дыра нин муніс видео, мый дыра сійӧ лоӧ дзоньнас, сэсся субтитръяслы кыв бӧръян, шы-горлысь тшупӧд ладмӧдан да видеосӧ экран тыр ыдждӧдлан кнопкаяс.

2. Лыддян гижӧда ӧшинь. Тайӧ ӧшиняс текстуйтӧма мультимедиа файлсянь кылана сёрни. Сёрнисӧ юклӧма сёрникузя да фразаяс вылӧ. Быд сегмент водзын эмӧсь веськӧдлан элементъяс (старт, пауза), информант йылысь да медиаса кадколаст йылысь пасйӧд. Сэсся мунӧ коми текст, кодӧс вуджӧдӧма роч да англичан кыв вылӧ.

3) Медым стӧчджыка фиксируйтны торъя йӧзлысь сёрни кад визулын, позьӧ личкыны «Петкӧдлыны Tіmelіne» кнопка. Сэки верманныд аддзыны сёрнитысьяслысь быд шуӧмсӧ ӧтувъя кад шкала серти.

4) Информантъяс йылысь

Тайӧ юкӧнын быд информант кузя пуктӧма фотосӧ, пасйӧма ов, ним, вич, чужан кад, чужанін да интервью босьтан кадся оланінсӧ.

 

4.  Инӧдъяс йылысь

«Рочму Федерацияын гражданскӧй кодекссьыс нёльӧд юкӧнсӧ олӧмӧ пыртӧм йылысь» 2006.12.18 лунся Федерал оланпас серти (№ 231-ФЗ; 2015.06.29 лунся редакция), став фото, видео да аудиогижӧдсӧ «Коми медиатекаӧ» пуктӧма стӧча тӧдӧмӧн, мый талы абу паныдӧсь информантъяс ни удж вӧчысьяс.

Интеллект удж помысь став артмӧмторнас, мый эм «Коми медиатекаын» (http://vіdeocorpora.ru/), йӧзыс вермӧны коммерция сыысь вӧчтӧг вӧдитчыны юӧртан, туялан, велӧдан да культура могъясӧн (кыдзи тайӧ индӧма Рочму Федерациялӧн гражданскӧй кодексас, 1274 пасйӧд)

«Коми медиатекаса» юӧр базаысь мыйкӧ видлӧг пыдди босьтігӧн быть ыстысьны «Коми медиатека» вылӧ (http://vіdeocorpora.ru/), индыны информантлысь ним да тшӧтш файл ним, кытысь видлӧгсӧ вӧлі босьтӧма:

Николай Никитич Чупров (тайм-код: MSF-F-1968 (00:00:11 - 00:00:13), шыӧдчан кадпас: 2016-12-14, URL: http://videocorpora.ru/kv) // Рохир Блокланд, Василий Чупров, Дмитрий Левченко, Мария Федина, Марина Федина, Нико Партанен, Михаэль Рисслер. 2016. Коми медиатека. Сыктывкар: FU-Lab. URL: http://videocorpora.ru/

Миян база вылӧ колӧ ыстысьны тадзи:

Рохир Блокланд, Василий Чупров, Дмитрий Левченко, Мария Федина, Марина Федина, Нико Партанен, Михаэль Рисслер. 2016. Коми медиатека. Сыктывкар: FU-Lab. URL: http://videocorpora.ru/

Ми киритам сайт вылысь гижӧд, ачыс сёрнитысьыс кӧ лоис паныд кутшӧмкӧ помкаяс понда тайӧ гижӧдлы и юӧртас миянлы та йылысь гижӧда электроннӧй пошта пыр komi@fu-lab.ru.

 

5. Сайт вӧчысьяскӧд йитӧд

Кӧсъянныд кӧ мыйкӧ юавны, либӧ мыйкӧ оз артмы сайтын уджалігад, йитчӧй сайт вӧчысьяскӧд тайӧ листбокын индӧм контактъяс серти:

Казяланныд кӧ мультимедиа гижӧдысь сорсьӧм либӧ мукӧд нелючки, а сідзжӧ кӧсъянныд кӧ бурмӧдны вуджӧдӧмсӧ, юӧртӧй та йылысь сайт вӧчысьяслы торъя йитчанін пырыс, коді эм быд гижӧд дорын: