Проект йылысь


 Коми медиатека — тайӧ коми сёрнисикас текстъяса электронвыв архивысь вӧчӧм тӧдмӧдана-юӧртана компьютер инас (кытчӧ пыртӧма видео да аудиоматериал, сійӧс текстуйтӧм и текстсӧ роч да англичан кыв вылӧ вуджӧдӧм). Тайӧ инас отсӧгӧн позьӧ уна сикас параметр серти корсьны кыв ӧтувторъяс.

 Подувнас лоисны изьватас сёрнисикасысь гижӧмторъяс, найӧс вӧлі чукӧртӧма архивъясысь и экспедицияяс дырйи. Экспедицияяссӧ вӧлі котыртӧма да нуӧдӧма войтыркостса туялан проект серти Коми Республикаса Изьва да Сосногорск районъясын, Асшӧрлуна яран кытшын, Мурман муын. Проектлӧн нимыс - «Изьва комияс: Роч му Ылі Войвылын олысь коми кывъя котыръяс водзӧ туялӧм могысь аннотируйтӧм электронвыв корпус лӧсьӧдӧм». Медшӧр могнас вӧлі туявны-видлавны изьватаслысь аслыспӧлӧслунсӧ социолингвистика боксянь, орччӧдны налысь торъя сёрниногъяссӧ да лӧсьӧдны электронвыв архив, кытчӧ пыртны видео да аудиоматериал, текстуйтны сійӧс и вуджӧдны текстсӧ роч да англичан кыв вылӧ.

  2014 - 2016 воясӧ вӧлі нуӧдӧма 4 экспедиция, юасьӧма 196 респондентӧс-изьватасӧс да гижӧма налысь сёрнисӧ, вӧчӧма 20-60 минут кузьтаа 157 интервью. Таысь кындзи, выльмӧдӧма 16 гижӧд важ фондъясысь.

 Проектсӧ збыльмӧдӧма Коми Республикаса национальнӧй политика министерствосянь «Роч му нациялысь ӧтувъялун вынсьӧдӧм да Роч му войтыръяслысь этнокультура сӧвмӧдӧм (20142020 вояс)» торъя мога федерал уджтас сьӧм тшӧт весьтӧ, КОНЕ Фондсянь (Суоми) да Подув кывтуялӧмъяс мыджан фондсянь (Роч му) сьӧм отсӧгӧн.